حكى لى احد اصدقائى قصة طريفة
وهى ان ابنه زياد طلب منه مرة
بابا ممكن قول النشرة الجوية
بتاع العجمى
وطلع زياد فوق الترابيذة وبدأ يتكلم
حالة الجو فى العجمى جيدة ونتوقع
ان يكون الجو غدا ممطر
عشان كده تاخدو بالكم من الغسيل
اللى ممكن يتبل
مراسلكم من العجمى زياد السيد
قلت لصديقى علطول حاجة كويسة جدا
ابنك ليه مستقبل فى المجال ده
قعد يضحك ويقول دى قصة عادية
والحقيقة ان دى مش قصة عادية
اهتمام الطفل بمذيع النشرة وتقيلدة
مش قصة عادية
ليه
لان مش كل الاطفال هتهتم بنفس الموضوع
ممكن استغلالها فى تنمية مهارات
الطفل فى الحديث امام الجمهور
فى احصائية حديثة نسبة الابداع
عند الاطفال قبل سن السادسة 98% د
لكن بمجرد بلوغ الطفل سن السادسة
تقل النسبة حتى تصل الى 20
والسر فى هذا النزول الكبير
يرجع الى طبيعة المناهج الدراسية
اللى بتقيد حرية الطفل فى التفكير
لازم يستشعر الاب والام بمجرد
اول مولود انهم امام مسئولية
كبيرة جددددددددددددا
العالم ينتظر من يخفف الامه
فلماذا لا يكون هذا الطفل من
سوف يخفف الاالام العالم
العالم الاسلامى ينتظر صلاح الدين
او قطز فلماذا لا يكون طفلك هذا
الحلم الذى طالما رواد الملايين
العالم يحتاج قلب وروح وامل
فلماذا لا تكون انت قلب هذا
العالم
احمد
No comments:
Post a Comment