نفسى لو فى الكون اكون
شمس وتشوفها العيون
نفسى اكون حق وأمان
بسمه حلوه فى العيون
نفسى اكون فى الأرض حبه
حلم يكبر حبه حبه
خير يظلل ع الأحبه
واسمها شجرة زتون
نفسى اطير فى الكون وأغنى
واروى زرع الخير بفنى
تكبر الفرحه وتاخدنى
والطريق إن طال يهون
نفسى امد الإيد لبكره
القى حزن الماضى ذكره
وألقى كل قلوبنا شاكره
والأمان جوه العيون
نفسي اكون في الشدة بسمة
وامشي بين الخلق نسمة
وابقى كلمة حق حاسمة
باب أمل مهما يكون
No comments:
Post a Comment